उद्योग ब्यबसाय परामर्श कार्यक्रम

(1)उद्योग ब्यबसाय संचालन गर्न वा त्यस सम्बन्धित कुनैपनि परामर्श लिने दिन (सेप्टेम्बर महिना १७ तारिक (बुध) बिहान ९:०० बजेदेखि दिउँसो ४:३० बजे सम्म) 
लक्षित＝ मियागी प्रान्त भित्र उद्योग व्यवसाय सुरु गर्ने सोच भएको व्यक्ति, वा भर्खरै व्यवसाय सन्चालन गरेका व्यक्तिहरु, सबै गरि ३० जना (पहिले निवेदन गर्ने व्यक्तिको आधारमा) 

(2)विदेशी नागरिकहरूको लागि उद्योग व्यवसाय संचालन र व्यवस्थापन बारे परामर्श लिने दिन (सेप्टेम्बर महिना २५ तारिक (बिही) बिहान ९:०० बजेदेखि दिउँसो ४:३० बजे सम्म)
लक्षित＝ उद्योग व्यवसाय सुरु गर्न इच्छा भएका, अथवा व्यवसाय सुरु गरेको तर ५ वर्ष नपुगेको बिदेशीनागरिकहरु (अन्तर्राष्ट्रिय विद्यार्थीहरू समेत) सबै गरि १० जना (पहिले निबेदन गर्ने व्यक्तिको आधारमा)

• स्थान : आएर बिल्डिंगको ७ औं तला
• बिषय = उद्योग व्यवसाय सुरु गर्न वा व्यवस्थापन गर्नको लागि विशेषज्ञ सँग उद्योग व्यवसाय सम्बन्धि लिइने व्यक्तिगत परामर्श कार्यक्रम
• आवेदन ＝सेप्टेम्बर महिना ८ तारिक बिहान ९:०० बजेदेखि सेन्दाई शहर उद्योग ब्यबसाय सहायता केन्द्र वेबसाइटबाट पनि निबेदन दिन सक्नुहुन्छ। (1)नम्बरको लागि भने फोनबाट पनि निबेदन गर्न सक्नुहुन्छ।

सम्पर्क : सेन्दाई सिटी औद्योगिक प्रवर्द्धन कर्पोरेशन ०२२-७२४-११२४

राष्ट्रिय स्वास्थ्य बीमा कार्डको म्याद सेप्टेम्बर ३० तारिक सम्म हो।

 राष्ट्रिय स्वास्थ्य बीमामा आबद्ध भै आफ्नो साथमा बिमा कार्ड भएको व्यक्तिहरु, तपाईं सँग भएको त्यो बीमा कार्डको म्याद सेप्टेम्बर ३० तारिक समाप्त हो।
अक्टोबर पछि भने, यदि तपाई सँग माइन बीमा कार्ड (माई नम्बर र बिमा कार्ड एउटै भएको) छैनभने, जुलाईमा पठाएको「राष्ट्रिय स्वास्थ्य बीमा योग्यता पुष्टी पत्र」लिएर गई चिकित्सा संस्थाहरूमा देखाएमा, पहिलेको जस्तै सामान्य रूपमा उपचार बिमा प्राप्त गर्न सक्नुहुन्छ। बिस्तृत जानकारीको लागि, सेन्दाई शहरको वेबसाइटमा हेर्नुहोला।

सम्पर्क: वडा कार्यालय, मियागी सामान्य शाखा कार्यालय बीमा तथा पेन्सन विभाग, अकिउ सामान्य शाखा कार्यालय स्वास्थ्य तथा कल्याण विभाग

नगरपालिकाको सरकारी भवनमा बस्नको लागि आबेदन खुल्ला – आवेदन लिने दिन सेप्टेम्बर १६ तारिक (मंगल) सम्म

यस पटक आवेदनको लागि चाँही, अबेदकको आर्थिक अवास्थ कमजोर भै बस्ने ठाउँको वातावरण र घरभाडाको समस्या आदि कारणको स्तरलाई प्रतिबिम्बित गर्ने अंक प्रणालीद्वारा मूल्याङ्कन गरि, उच्च मूल्याङ्कन अंकको आधारमा बस्ने व्यक्तिको छनोट गरिनेछ। 

• 「भाडामा बस्नको लागि आबेदन खुल्ला भएको जानकारी」＝सेप्टेम्बर ५ तारिक ( शुक्र) बाट नगरपालिका कोकुबुन्चो शाखा कार्यालय भवनको दोस्रो तल्ला सेन्दाई सिटि शहर निर्माण तथा सरकारी भवनमा बस्न आबेदन बिभाग, वडा कार्यालयको सामान्य जानकारी डेस्क आदिबाट पनि वितरण गरिएको छ
• आबेदन गर्ने तरिका ＝「भाडामा बस्नको लागि आबेदन खुल्ला भएको जानकारी」शीर्षकमा संलग्न आवेदन फारम र कर समायोजन फारम पनि निवेदन पठाउनको लागिको खाममा हालेर सेप्टेम्बर १६ तारिक (मङ्गल) सम्ममा हुलाकबाट पठाउनुहोस।
• कोठामा सर्न सम्भब हुने दिन = २०२६ जनवरी २२ तारिक (बिहि) (को योजना)
• आवेदन गर्न सक्ने मानिस = हाल आवासको लागि समस्यामा परेका मानिसहरू। थप जानकारीको लागि,「भाडामा बस्नको लागि आबेदन खुल्ला भएको जानकारी」मा हेर्नुहोस।

आणविक बिपतको कारणले खाली गर्नुपर्ने आदेश प्राप्तभएको छेत्रहरुमा बसोबास गरिरहेका व्यक्तिहरु वा बालबालिका बिपत पीडितहरुको लागि सहयोग ऐनमा आधारित सहयोग लक्षित क्षेत्रहरूमा बसोबास गरिरहेका विस्थापित व्यक्तिहरु, पति वा पत्नी बाट हिंसाको शिकार भएका व्यक्तिहरु, अपराधीबाट पीडित भएका व्यक्तिहरुलाई भने, आवेदनको सर्तहरू फरक फरक हुनेभएकाले कृपया हामीलाई सम्पर्क गर्नुहोस।
सम्पर्क：सेन्दाई शहर निर्माण तथा सरकारी भवनमा बस्न आबेदन बिभाग ०२२-२१४-३६०४

एकल अभिभावक भएका परिवारहरूको लागि, अक्टोबर देखि चिकित्सा खर्च अनुदान पाउनको लागि तोकिएको, आयकरको सीमा बढाइनेछ।

यो भन्दा पहिले आयकरको प्रतिबन्धका कारण एकल अभिभावक भएको परिवारको लागि दिइदै आएको चिकित्सा खर्च अनुदान प्राप्त गर्न, अयोग्य रहेका व्यक्तिले पनि २०२४ बर्षको बिचबाट आफ्नो आम्दानी कम भएको खण्डमा, नयाँ नीति लागु भएको कारणले गर्दा आयआम्दानी सीमाभन्दा कम भयो भने, अक्टोबरदेखि अनुदानको लागि योग्य हुनेछन।

• यो अनुदान प्राप्त गर्न, तपाईंले योग्यता दर्ताको लागि आवेदन दिनुपर्छ। यद्यपि, पहिले नै दर्ता गर्नुभएको छ भने, तपाईंले आवेदन दिन आवश्यक छैन।
• बिस्तृत जानकारीको लागि, सेन्दाई शहरको वेबसाइटमा हेर्नुहोस

सम्पर्क: वडा कार्यालय बाल हेरचाह सहायता विभाग, सामान्य शाखा कार्यालय स्वास्थ्य तथा कल्याण विभाग

के तपाईंले बाल भत्ताको लागि आवेदन गर्नुभयो त?

 यदि बाल भत्ता प्राप्त गर्न चाहनुहुन्छ भने, तपाईंले आवेदन दिन आवश्यक पर्छ। सैदान्तिक रूपमा, आवेदन गरेको महिना पछिको अर्को महिनाबाट भत्ता भुक्तानी गरिनेछ।

• २०२४ अक्टोबर देखि यो प्रणाली विस्तार गरिएको भै, आय प्रतिबन्धहरू खारेज गरिएको बाहेक उच्च माध्यमिक विद्यालय उमेर समुहका बालबालिका (यस आर्थिक वर्षको अन्त्यसम्म १६ देखि १८ वर्ष उमेरका) लक्षित गरिएको छ। यसभन्दा पहिले आय प्रतिबन्धका कारण बाल भत्ता प्राप्त गर्न नसकेका परिवार, वा शहर बाहिर बस्ने उच्च माध्यमिक विद्यालय जाने उमेरका बालबालिकाहरू भएका परिवार आफुले प्राप्त गर्न सक्ने वा नसक्ने भनि फेरि पुष्टी गर्नुहोस।
• लक्षित बर्ग वा आवेदन गर्ने प्रक्रियाहरूको विवरणको लागि, सेन्दाई शहरको वेबसाइट हेर्नुहोस।

सम्पर्क: वडा कार्यालय बाल हेरचाह सहायता विभाग, सामान्य शाखा कार्यालय स्वास्थ्य तथा कल्याण विभाग

सेन्दाई शहर मातहत मिनामि कोइजुमी निम्नमाध्यामिक बिधालयको रात्रीकालिन कक्षा आर्थिकबर्ष २०२५ प्रथम वर्षका को लागि विद्यार्थी भर्ना गर्दै (अक्टोबरमा नयाँ भर्ना)

• आवेदनको लागि योग्य: यी निम्न मध्ये कुनै पनि एक मापदण्ड पूरा गरेका र मियागी प्रान्तमा बसोबास गर्ने व्यक्तिहरु

1. अनिवार्य शिक्षा पूरा नगरी बिधालय जाने उमेर नागेका व्यक्तिहरू
2. विभिन्न कारणले गर्दा बिधालयमा अनुपस्थिति भै, पर्याप्त शिक्षा प्राप्त नगरी निम्नमाध्यमिक बिधालयबाट ग्राजुएसन गरेका व्यक्तिहरू
3. आफ्नो देश वा जापानबाट अनिवार्य शिक्षा पूरा नगरी बिधालय जाने उमेर पर गरेका विदेशी नागरिक बालबालिका।

आवेदन: नगरपालिकाको वेबसाइटबाट आवेदन फारम डाउनलोड गरि, सेप्टेम्बर १९ तारिक भित्र बुझाउनुहोस् (यस मिति भित्र पुग्ने गरि)।
नयाँ भर्ना व्याख्या कार्यक्रम

• मिति समय: सेप्टेम्बर ९ तारिक (मंगल) साँझ ६:३० बजेदेखि ७:१५ बजेसम्म
• स्थान: सेन्दाई शहर मातहत मिनामि कोइजुमी माध्यामिक बिधालय
• लक्षित : २०२५ आर्थिक वर्षको अक्टोबरमा नयाँभर्ना हुन चाहने व्यक्तिहरु र उनिहरू सँग सम्बन्धित व्यक्ति
• आवेदन दिन आवश्यक पर्छ। बिस्तृत विवरणहरूको लागि वेबसाइटमा हेर्नुहोस।

सम्पर्क : शिक्षा मार्गनिर्देशन विभाग ०२२-२१४-८८७५

सेन्दाई मा स्वागत छ नागरिक (सार्वजनिक) पुस्तकालय भ्रमण

नागरिक (सार्वजनिक) पुस्तकालयमा त्यहाँका कर्मचारीले तपाईंलाई「सरल जापानी भाषा (विदेशी नागरिकहरूले पनि बुझ्न सक्ने जापानी भाषा)」मा मार्गनिर्देशन गर्नेछन।

• मिति र समय: सेप्टेम्बर २८ तारिक (आईत) बिहान ११:०० बजे देखि १२ बजे
• स्थान = नागरिक (सार्वजनिक) पुस्तकालय
• लक्षित बर्ग : सिटिभित्र बसोबास गर्ने विदेशी नागरिकहरु लगभग १० जना जति [पहिले आउनेलाई प्राथमिकता]
• आवेदनको लागि सेप्टेम्बर ६ तारिक बिहान १०:०० बजेदेखि इमेल मार्फत भ्रमण कार्यक्रमको नाम, सहभागीहरू सबैको नाम (फुरिगना) टेलीफोन नम्बर र इमेल ठेगाना लेख्नुहोस।

आवेदन र सम्पर्क स्थान: नागरिक (सार्वजनिक) पुस्तकालय (हुलाक नम्बर ९८०-०८२१ आओबा-कु खासुगामाची २-१ टेलिफोन ०२२-२६१-१५८५ इमेल）

जापानी भाषा कक्षाको जानकारी

• अवधि＝ अक्टोबर १५ तारिक (बुध) देखि मार्च १३ तारिक (शुक्र) (अक्टोबर १० तारिक (शुक) बिहान ९:३० बाट कक्षा छुट्याउने जाँच हुन्छ)
• पढाईहुने दिन ＝प्रत्येक हप्ताको मंगलबार देखी शुक्रबार ( कक्षा अनुसार समय फरक फरक हुन्छ)
• पढाईहुने स्थान ＝आओबा कु च्युयो सिमिन सेन्टर (आओबा कु इचीबाँच्यो २-१-४）
• पाठ्यपुस्तक शुल्क लाग्नेछ
• कक्षा बारेको जानकारी वा आवेदन बिधि सेन्दाई पर्यटकिय तथा अन्तर्राष्ट्रिय संघको होमपेजमा पनि छ 

सम्पर्क ：सेन्दाई पर्यटकिय तथा अन्तर्राष्ट्रिय संघ ०२२-२६८-६२६०