युवा पुस्तालाई बैबाहिक नयाँ जीवन शुरुगर्नको लागी सहयोग गर्नेछौ

सेन्दाई सिटिले, विवाह गरि नयाँ जीवन शुरुगर्न लागेका जोडीहरुलाई सहयोग गर्ने उद्देश्यले, आवास लागतमा अनुदान दिन 「सेन्दाई सिटि बैबाहिक नयाँ जीवन सहयोग परियोजना」संचालन गरेको छ। विवाह गरेर नयाँ जीवन सुरु गर्ने जोडीहरू लक्षित गरि, कोठा सर्दा वा कोठा सर्दाको बेलामा समान ओसारपसार गर्नको लागि लाग्ने खर्च अनुदान सहायता गर्नेछ (छुट्याइएको बजेट रकम सकिएपछि चाँही यो योजना समाप्त हुनेछ)।

• अनुदानको लागि लक्षित खर्चहरू
  २०२४ अप्रिल १ तारिक देखि २०२५ मार्च ३१ तारिक सम्म घर खरिद प्रक्रिया पुरा गरि रकम भुक्तान गरिसकेको व्यक्तिको लागत (खर्च भुक्तानी प्रक्रिया पुरा गरिसकेकाहरुको लागि मात्रै)
  ・घरभाडा, घरधनी वा व्यवस्थापनलाई धितोको रूपमा जम्मा गर्ने रकम, घर धनिलाई दिइने अग्रिम भुक्तानी, घरभाडाको अतिरिक्त मासिक रूपमा भुक्तानी गर्नुपर्ने रकम, दलाललाई दिने रकम (घरभाडा र घरभाडाको अतिरिक्त मासिक रूपमा भुक्तानी गर्नुपर्ने रकम चाँही 3 महिना बराबरको तिर्नुपर्ने भनि सिमा तोकिएको हुन्छ)
  ・घर खरिद गर्दाको लागत
  ・घर रिफम गर्दा लाग्ने लागत
  ・कोठा सर्दा समान ओसारपसार गरिदिने कम्पनि र समान ओसारपसार गरिदिने व्यक्तिलाई भुक्तान गरिएको लागत
• अनुदान दिने रकम
  अनुदानको लागि लक्षित गरिएको रकम मध्ये, तलको निम्न रकम सम्म सिमा सम्म「वास्तवमै श्रीमान,श्रीमती तिरेको रकम」अनुदान दिनेछौं।
  ・विवाह दर्ता गरेको मितिमा श्रीमान, श्रीमती दुवैजना २९ वर्ष भन्दा कम उमेर हुनुपर्ने : रकमको सिमा : ६००,००० येन
  ・यसबाहेक अन्य परिवार : रकमको सिमा ३००,००० येन
•  मुख्य बिबरणहरू
  तलका (1)देखि (4)सम्म सबै मापदण्ड पुरा गरेका परिवारहरू

• आवेदन गर्ने तरिका

1. सिटिको वेबसाइटबाट विस्तृत बिबरणहरू र आवेदन गर्ने प्रक्रिया, आवश्यक पर्ने कागजातहरू पुष्टी गर्नुहोस।
2. सिटिको वेबसाइटबाट आवेदन दिनुहोस। त्यसपछि, सिटिले तपाईंलाई आवेदनको लागि आवश्यक पर्ने कागजातहरू पेश गर्ने बारे जानकारी गर्नेछ।

सम्पर्क : युवा बर्ग सहायता बिभाग ०२२-२१४-८४४२

 कोंबिनियन स्टोरबाट प्रमाणपत्रहरु निकाल्दा लाग्ने शुल्क वडाकार्यालयको काउन्टरमा भन्दा पनि १०० येन सस्तो हुन्छ

जुलाई १ तारिक (सोमबार) देखि, यदि तपाईं सिटिभित्र आवास दर्ता गरेको बासिन्दा हुनुहुन्छ भने, कोंबिनियन स्टोरबाट तपाईंले माई नम्बर कार्डको प्रयोग गरि प्रमाणपत्र (ज्युमिन ह्यो आदि) निकाल्नु पर्दामा लाग्ने शुल्क, वडाकार्यालयको काउन्टरमा भन्दा पनि १०० येन सस्तो हुन्छ।
निकाल्न सकिने प्रमाणपत्रहरू र कोंबिनियन स्टोरबाट प्रमाणपत्र निकाल्दा लाग्ने शुल्क तलका निम्न अनुसार छ।　

• आवास कार्डको (ज्युमिन ह्यो) प्रतिलिपि (२०० येन)
• हान्को दर्ता प्रमाणपत्र (२०० येन)
• परिवार दर्ता सबै मामिलाको प्रमाणपत्र, परिवार दर्ता व्यक्तिगत जानकारी प्रमाणपत्र (प्रत्येक ३५० येन)
• परिवारको दर्ता पन्जिकारणको प्रतिलिपि (२०० येन)
• सिटि, प्रान्तको कर तिरको (कर छुट) प्रमाणपत्र (२०० येन)

प्रयोग गर्ने बेलामा, तपाईंले आफ्नो माइ नम्बर कार्ड र पिन नम्बर (४ अंकको) प्रविष्ट गर्न आवश्यक पर्छ। निकाल्न सकिने प्रमाणपत्रहरूमा चाँही, केही भाग सूचीबद्ध गर्न नमिल्ने बुँदा पनि छ। प्रयोग गर्न सम्भब हुने समय आदिको बारेमा थप जानकारीहरु बिस्तृत रुपमा, सिटीको वेबसाइटमा हेर्नुहोस वा हामीलाई सम्पर्क गर्नुहोस।
सम्पर्कको लागि सेन्दाई सिटी सामान्य कल सेन्टर, परिवार र आवास दर्ता बिभाग ०२२-२१४-२०३१

भालु देखि सावधान रहनुहोस

गर्मी महिनामा जंगल भित्र भालुको खानेकुरा सकिदैजाने हुँदा,भालुको चहलपहल मानबवस्ती नजिक तिर सम्म बढ्न सक्छ। बिशेष गरि बिहान र साँझको अँध्यारो समयमा भालुहरू बढी सक्रिय हुन्छन,त्यसैले सावधान हुनुहोस। पहाड चड्दा वा पदयात्रा आदिको लागि बाहिर जाँदाको समयमा,घण्टी वा रेडियो साथमा लिएर जाने, यदि तपाइँ भालु सँग जम्काभेट हुनुभयो भने नडराईकन,एक अर्काको सामना गर्दै उसलाई नजिस्क्याउने र बिस्तारै आफु पछि हट्नुहोस। समानले झटारो हान्ने, ठुलो आवाजले कराउने वा दौडने जस्ता कार्य गरि, भालुलाई उत्तेजित गर्ने कुनै पनि काम नगर्नुहोस। 
भालु देखा पर्ने र आक्रमण हुन सक्ने बारेमा जानकारी चाँही, सिटिको होमपेज 「भालु देखापर्ने र आक्रमण हुन सक्ने छेत्रको नक्सा」 वा सेन्दाई सिटिको आधिकारिक एकाउन्ट (LINE) लाइन (पहिलेनै दर्ता गर्नुपर्ने( आदिबाट पनि जानकारी दिनेछौ ।
सम्पर्क ：पर्यावरण समाज बिभाग ：०२२-२१४-००१३

न्यून आय भएको घरपरिवारलाई उच्च मुल्यबृद्धिको लागि आपतकालीन सहायता प्रदान गरिने

न्यून आय भएको घरपरिवारलाई उच्च मुल्यबृद्धिको लागि आपतकालीन सहायता प्रदान रकमको बारेमा, सरल जापानिज, अंग्रेजी, चाइनिज, कोरियन, भियतनामी, नेपाली भाषाहरुमा पनि हेर्न सकिन्छ।
नेपाली भाषा

एड्स, सिफिलिस परिक्षण सोही दिन प्राप्त हुने रिपोर्ट

• बुकिंग प्रणाली
• आबेदन ＝ परिक्षण गर्ने मिति भन्दा दुईहप्ता पहिले देखि अघिल्लो दिन सरकारी बिदा नभएको दिन दिउँसो १ बजे देखि ४ बजे सम्म बुकिंग गर्नको लागिको मात्रैको फोन ०९०-४४७८-४६४१ मा फोन गर्न सकिन्छ। सिटीको होमपेजबाट पनि आवेदन दिन सक्नुहुन्छ।

1. रातिको समय परिक्षण गरिने एड्स , सिफिलिस परिक्षण, सोही दिन प्राप्त गरिनेरिपोर्ट… जुलाई २६ तारिक (शुक्र) अगष्ट ९ तारिक (शुक्र) ५：०० बजेदेखि ७：०० बजे /आएर बिल्डिङको पाँचौं तल्ला
2. बिदाको दिन परिक्षण गरिने एड्स , सिफिलिस परिक्षण, सोही दिन प्राप्त गरिनेरिपोर्ट… अगष्ट ३ तारिक（शनि）१：३० बजेदेखि ३：०० बजे /स्वास्थ्य परामर्श कार्यालय कोसेइकान (आओबा कु मियामाची १-१-५）

परीक्षण क्षमता भने पहिले आइपुग्ने व्यक्तिको आधारमा ३० जाना (पहिले आउनेको आधारमा)
परीक्षणको नतिजा भने रगत परिक्ष गरेपछि लगभग १ घण्टा भित्रमा जानकारी दिनेछौं। (यदि नतिजा विचाराधीन गर्नुपर्ने भएमा भने भोलिपल्ट मात्र नतिजाको जानकारी गर्नेछौं)

सम्पर्क : संक्रामक रोग नियन्त्रण बिभाग ०२२-२१४-८०२९ 

प्रारम्भिक बालशिक्षा, नि:शुल्क बाल हेरचाह लागिको आबेदन स्वीकार गरिनेछ

•  लक्षित बर्ग = सेवासंस्था आदि प्रयोग लाभ प्रमाणीकरण (नयाँ २ नम्बर, नयाँ ३ नम्बर) सुबिधाको उपयोग लिईरहनुभएका, नर्सरी तथा प्रमाणित गरिएका बाल हेरचाह र बालबालिका राख्ने संस्था, लाइसेन्स नभएका बाल हेरचाह संस्था, थोरैसमयको लागी बालबालिका राखिदिने संस्था, बिरामी बच्चा बाल हेरचाह गर्ने संस्था, सेन्दाई सुकुसुकु सपोर्ट संस्थाको प्रयोग गर्दै आईरहनुभएका व्यक्तिहरु
•  लक्षित गरिएको उपयोग गर्न सकिने अवधि = अप्रिल १ तारिक देखि जुन ३० तारिक
• रषिदको म्याद = जुलाई १९ तारिक (शुक्रबार)
•  बिस्तृत विवरणको लागि, सिटीको होमपेजमा हेर्नुहोस वा हामीलाई सम्पर्क गर्नुहोस।

सम्पर्क：सेन्दाई सिटि नि: शुल्क प्रारम्भिक बालशिक्षा केन्द्रीय कार्यालय ०२२-२१४-८९७८

 जुलाई देखि आधारभूत स्वास्थ्य परिक्षण सुरु गरिनेछ

• स्वास्थ्य परिक्षण गर्नसकिने अवधि = जुलाई १ तारिक (सोम) देखि सेप्टेम्बर ३० तारिक (सोम), २०२५ जनवरी ४ तारिक (शनि) देखि ३१ तारिक (शुक्र)
• लक्षित = ३५ बर्ष देखि ३९ बर्ष का व्यक्तिहरु साथै ७५ वर्ष भन्दा माथिका आदि भै, सिटिद्वारा संचालित आधारभूत स्वास्थ्य परिक्षणको लागि आवेदन दिएका व्यक्तिहरु
• यदि अहिलेसम्म आवेदन गर्नु भएको छैन भने, सकेसम्म चाँडो आबेदन गर्नुहोस।

सम्पर्क : वाडा कार्यालय परिवार तथा स्वास्थ्य बिभाग, सामान्य शाखा कार्यालय स्वास्थ्य तथा कल्याण बिभाग

 राष्ट्रिय पेन्सन र बिमा रकम भुक्तानी छुटको लागि आवेदन दिन नबिर्सनुहोला

राष्ट्रिय पेन्सन बिमा रकम भुक्तानी गर्नको लागि आर्थिक रूपमा कठिन भएको छभने, छुटको लागि आबेदन गरि स्वीकृत भएमा, बीमा रकमको सम्पुर्ण किस्ता वा आंशिक किस्ता छुट हुनेछ (आय आम्दानीको कतिछ भन्ने बारेमा छानबिन हुनेछ। अघिल्लो वर्षको आम्दानी अनुसार छुटको लागि ४ स्तर छुट्याइएको छ)।
सम्पर्क : वाडा कार्यालय, मियागी सामान्य शाखा कार्यालय बीमा तथा पेन्सन बिभाग, आकिउ सामान्य शाखा कार्यालय स्वास्थ्य तथा कल्याण बिभाग

पाठेघरको मुखको क्यान्सर रोक्नको लागि दिइने HPV खोप लगाउने कार्य गरिनेछ 

पाठेघरको मुखको क्यान्सर हुने कारक त्वत्त HPV (ह्युमन प्यापिलोमाभाइरस) को संक्रमणबाट बच्न प्रभावकारी हुने HPV खोप लगाउने कार्य गरिनेछ।
तलको निम्नलिखित लक्षित व्यक्तिहरूको लागि निःशुल्क खोप लगाउन सकिने अन्तिम म्याद चाँही २०२५ मार्च को अन्तिम हो, तर मानक खोप तालिकाको आधारमा सबै तीनपटक खोपहरू लगाउन लगभग ६ महिना लाग्ने हुँदा, यदि तपाईं सबै खोपहरू निःशुल्क लगाउन चाहनुहुन्छ भने, ढिलो भएपनि २०२४ सेप्टेम्बर को अन्त्य सम्ममा पहिलो पटकको खोप लगाउन आवश्यक पर्नेछ। खोप लगाउन चाहनुहुन्छ भने, सकेसम्म चाँडो आफ्नो नजिकैको चिकित्सा संस्थामा सम्पर्क गर्नुहोस।

• नियमित खोप (यो खोप लगाउन मिल्ने अन्तिम उमेरका व्यक्तिहरु (१० कक्षामा पदने महिला)लक्षित ： उच्च माध्यमिक बिधालयको १० (१ नेन सेइ) कक्षा सम्मका महिला (२००८ को अप्रिल २ तारिक देखि २००९ अप्रिल १ तारिकमा जन्मिएका व्यक्तिहरु) 
• क्याच-अप खोप
  लक्षित ： १९९७ अप्रिल 2 तारिक देखि २००८ अप्रिल १ तारिक सम्ममा जन्मिएका महिला

1. खोपको संख्या：३ पटक
2. खोप लगाउने स्थान : HPV खोप दर्ता गरिएको चिकित्सा संस्था (बुकिंग गर्न इत्यादिको बारेमा बुझ्न, सिधै दर्ता गरिएको चिकित्सा संस्थामा सम्पर्क गरि बुझ्नुहोस)
3. आणविक बिस्पोट बाट विस्थापित भएका व्यक्तिहरुलाई विशेष कानूनको आधारमा लक्षित गरि फुकुशिमा प्रिफेक्चरका १३ नगरपालिकाहरूबाट विस्थापितहरु लक्षित
4. २०२५ अप्रिल पछि लगाउने खोपहरू चाँही, पूर्ण रूपमा पैसा आफैले तिर्नुपर्ने छ।
5. बिगतमा आफ्नै खर्चमा PV खोप लगाएको भै, निश्चित सर्तहरू पूरा गरेका व्यक्तिहरूका लागि खोप लगाउने लागत अनुदानको लागि आवेदन गर्नपरेमा २०२५ मार्चको अन्त्यसम्ममा गर्नुपर्नेछ।
6. लिएर जानुपर्ने कुराहरुको बारेमा थप जानकारीको लागि, सिटिको वेबसाइटमा हेर्नुहोस वा हामीलाई सम्पर्क गर्नुहोस।

सम्पर्क：वडा कार्यालय परिवार तथा स्वास्थ्य बिभाग, सामान्य शाखा स्वास्थ्य तथा कल्याण बिभाग